पाँचपोखरीमा राप्रपाको सर्वसम्मत उदय

१० बैशाख , मेलम्ची ।
राष्ट्रिय प्रजातन्त्र पार्टी (राप्रपा) ले सिन्धुपाल्चोकको पाँचपोखरी थाङ्पाल गाउँपालिकाको अध्यक्ष पदमा उदय सापकोटालाई सर्वसम्मत एकल सिफारिस गरेको छ ।

बैशाख ३० गते हुन लागेको स्थानीय तह निर्वाचनको लागि पार्टीको तर्फबाट सापकोटालाई एकल सिफारिस गरिएको राप्रपा पाँचपोखरी थाङ्पाल गाउँपालीका अध्यक्ष चित्रबहादुर गुरुङ(भिम)ले बताए । पार्टीले उपाध्यक्ष पदमा भने गुनु पाख्रिन सिफारिस भएकी छिन् ।

पाचँपोखरी थाङ्पाल गाउँपालीका राप्रपाको पकड क्षेत्र हो । अघिल्लो निर्वाचनमा झिनो मतान्तरमा नेकपा एमालेका उम्मेदवार टासी लामासँग उपविजेता भएका सापकोटा पुनः उम्मेदवार हुने भएका हुन् । सापकोटा सो क्षेत्रका लोकप्रिय नेता हुन् । आफ्नो उत्कृष्ट वाककला र मिजासीलो व्यवहारले उनी सबैको मनमा बस्न सफल भएका छन् ।